L'Âne et ses Maîtres Gilles Corrozet (1510 - 1568)
Contre ceulx qui appetent choses nouvelles.
Les choses presentes blasmons,
Et les nouvelles nous aymons ;
Mais on void en la fin aymer
Ce qu'on souloit devant blasmer.
L'Asne, trop las de servir, desdaignoit
Le jardinier, lequel estoit son maistre,
Ei d'icelluy grandement se plaignoit,
Car de durs coups souvent le faisait paistre :
A Jupiter le donna a cognoistre,
Luy demandant ung maistre familier ;
Lors Jupiter luy bailla ung tuillier ;
Mais, quand il veid la charge trop pesante,
A Jupiter de rechef se presente,
Luy suppliant luy faire ce bon heur
(Veu que sa vie est rude et desplaisante)
De luy donner plus doulx matstre et seigneur.
Jupiter rit, 'Asne prie sans cesse.
Alors luy donne ung courroyeur de cuyr,
Duquel souffrit maint tourment et destresse
Et ne pouoit les horions fuyr ;
En hanissant, il, se faisant ouyr,
Disoit : « Helas ! malheur sur moy s'estend,
Qui nay esté d'ung seul maistre content,
Je suis tumbé en la main du bourreau,
Qui ne pardonne a ma chair n'a ma peau.
C'est bien raison : car qui tant veult changer,
Et riens ne treuve a luy plaisant et beau,
D'ung petit mal chet en ung grand danger. »
