Le Lion et le Renard Gilles Corrozet (1510 - 1568)
S'aprivoiser avec les estrangers.
Tout ce qui n'est hanté
Est trouvé bien estrange ;
Mais, s'il est frequenté,
L'oppinion se change..
Le Regnard au chemin trouva
Le Lyon, beste fort terrible,
Qut luy sembla sy treshorrible
Que de grand peur fuyt et sen va.
Il le trouva secondement
Une aultrefois, dont il eut crainte,
Mais non pas de sy forte attainte
Qu'il avait eu premièrement.
La tierce foys le rencontra.
Donc, pour l'avoir veu si souvent,
Il mcist hardiesse en avant,
Et sans peur a luy se monstra.
Avecques luy se meist en voye.
Lors il le trouva si privé
Que destre vers luy arrive
Il eut grande liesse et joye.
S'aprivoiser est dissicile ;
Mais, quand on a prins cognotssance,
L'amytié prend pleine croissance,
Et le hanter en est facile.
L'acoustumance en plusieurs lieux
Avec les grandz nous aprivoise,
Lesquelz n'ausions, de peur de notse,
Regarder entre les deux yeulx.
Titre original : Du Lion et du Renard
