Le Laboureur et la Cigogne Gilles Corrozet (1510 - 1568)
Porter la peine pour les maulvais.
Avec les meschantz ne te mectz,
Vueille-loy d'iceux estranger,
Qu'il ne t'en vienne aulcun danger.
Tel l'achepte qui n'en peult més.
Ung Rusticque
Si s'applicque
A prendre aux rethz a couvert
Grues coles,
Et les Oyes,
Qui mangeoient son bled en vert.
Oyes, Grues,
Retenues
Furent aux rethz et ficelles.
La Cicogne
Ne s'esloigne,
Mais fut prinse avec icelles.
Salut quiert,
Et requiert
Au laboureur sa franchise,
Point ne pense
Quelque offense
Avoir contre luy commise.
« Tu mourras,
Et nauras
(Dict le laboureur) mercy.
Qui s'y treuve,
Il espreuve
Qu'a chascun on faict ainsi. » Fable 56
Titre original : De l'Aigle et de la Cicogne
