Le Chat et le Poulet Gilles Corrozet (1510 - 1568)
Chercher occasion de mal faire.
Le maulvais qui cherche la mort
D'aultruy, ou luy faire dommaige,
Sil n'a par droict quelque advantaige,
Toutesfois le fera a tort.
Ung Chat plein de saintise,
Remply de friandise,
Print ung Poulet d'assault ;
Par ung tour de maistrise,
Sur luy la pate a mise,
Disant : « Mourir te fault,
Car tu cries sy hault
Que chascun en tressault
A minuict, j'en suis seur.
Puis tu es ung ribault,
Incestueux, sy chault
Qu'a monter ne te chault
Sur ta mère ou ta saur. »
Le Poulet s'en excuse,
Disant : « Ainst l'en use
Par la loy naturelle. »
Mais le Chat, plein de ruse,
Sa response refuse
Comme beste cruelle,
Et par ceste querelle
Luy feit playe mortelle,
Puis son ventre s'en sent.
Tout ainsi, par cauielle,
- Et calumnie telle,.
L'homme meschant flagelle
Et destruict innocent.
