Les deux Mulets François Marbot (1817 - 1866)

Yon jou dans yon grand chimin
Dé milet té ka mâché,
Yonne té tini yon chage foin,
Laut lagent té ka pôté.
Tala té ka fè docte.
Li té ka gouaille lautt là,
Li té ka dit li : « Mon cliè,
Ça ou ka pôté com ça ?
Yo chagé ou évec paille ;
Ca c'est travail ti manmaille,
Pas travail pou yon nèg rnâle,
Ga ka ranne dos ou tout sale.
Pauve ou, oui ! Toutt bon, mon cliè,
Ga sré fè moin mal au khè
Allé dans bouq évec ça. »
Li prend ri : quia ! quia ! quia ! quia !
Lautt là, zoreille li baissé,
Té ka tanne ça sans soufflé.
Pouloss yo contré volé,
Yo tout les dé té ni pè,
Yo tout les dé prend couri :
Ti, pi, ti, pi, ti, pi, ti.
Quand li voué yo ka foucan,
Volé là fisi li prend,
Li tiré lasso us missié
Qui lagent té ka pôté.
Goup-d-fîsi là pati : pok !
Pauve milet là tombé : bon !
Lautt là dit H : « Camarade
To té ka gouaille moin, gade,
Si to té ka pôté foin
Yo pas sré fè to engnien. »