Le Coq et le diamant

Guillaume Haudent (? - 1558)

Ainsi qu’un coq estoit cherchant pasture
En un fumier, il trouva d’avanture
Un dyamant,fort riche et precieux
Dedans ce lieu immunde et vicieux,
Auquel il dict, ô dyamant exquis
De maintes gents es grandement requis,
Mais quand a moy es de petite estime
Car en effect ie cheris et estime
Un grain de blé trop plus que ne fais toy
Pour et aultant qu’iceluy ejl de toy
Pour mon user, et ie ne puis en rien
Avoir de toy usage ou aulcun bien.

La morale

Ceste fable nous fait certains
Que plusieurs contemnent science
Comme ignorantz et incertains
De son utile expérience.