Le Rossignol et l'Oiseleur Gilles Corrozet (1510 - 1568)
Se tenir à ce qu'on a
Qui laisse aller ce qu'il tient en ses mains,
En esperant avoir meilleure chose,
Maintesfois perd, et treuve beaucoup moins ;
Telle esperance est de son fruict forclose.
Le Rossignol sur ung chesne chantait,
Se desgoysant ainsi qu'il a dusaige ;
Prés de ce lieu ung Oiseleur estoit,
Qui aux fillez le Rossignol guettoit,
Pour le manger en rost ou en potaige.
Il luy fettpaour : le Rossignol vollaige
Se meit en fuyte, aux rethz fut arreste ;
Donc l'Oiseleur le print a cepassaige.
Qui trop se haste est estimé peu saige
Quand tumbe aux las ou tl est aguetté.
Le Rossignol prie a cest Oiseleur
De le lascher, car peu de chose il monte
Pour tel mangeur et sy grand avalleur,
Et quaultre oyseau de plus grande valleur
Prendre pourrait. L'Oiseleur n'en tint compte,
Mats respondit : « Ce me seroit grand honte
De te quitter ; certes tu en mourras ;
Par fol espoir qui l'imprudent surmonte
Je ne croiray en parolle sy prompte.
Mieulx vault ung tien que deux fois tu auras. »
