L'Aigle et le Corbeau Gilles Corrozet (1510 - 1568)
N'entreprendre oultre ses forces.
Qui plus qu'il ne doit entreprend
Et ne mect fin a |'entreprise,
Chascun l'argué et le reprend,
Et ne treuve homme qui le prise.
L'Aigle, vollant dune tres haulte roche,
Descend en bas et prés d'ung pare s'approche,
Auquel choisit ung Aigneau blanc et tendre
Et dessus luy vint ses pates estendre,
Des ongles serre, et l'emporte et ravit.
Le noir Corbeau, qui ceste proye veid,
Cuide ainsi faire, et dans le pare s'en vint,
Où il esleut ung Mouton entre vingt
Le plus refaict, sur lequel s'est assis ;
Mais aussi tost ses ongles endurcts
Se sont meslez et ahers ala laine ;
Et d'aultant plus qu'il prenoit grande peine
Au mouvement des aesles pour voller,
Et d'aultant moins se pouoit demestler.
Lors ung Pasteur, qui veid ceste folte,
Acourt bien tost, puis le prend et le lie,
Les aesles couppe, et, sans aultre debat,
A ses enfantz le baille pour esbat,
Dont l'ung d'iceulx l'interroga, disant :
« Mais qui es tu, oyseau tant deplaisant ?
— Helas ! (dict il) pour vray je me pensoye
Une grande Aigle, et ne me cognoissoye,
Mais je voy bien que je suis ung oyseau
Moindre de tous, qui m'appelle Corbeau ;
C'est a bon droict s'il m'en est ainsi pris,
Pour ce que j'ay sur ma force entrepris. »
