Le Vautour et les petits Oiseaux Gilles Corrozet (1510 - 1568)
Ne se laisser decevoir soubz l'umbre dung bien faict.
Tous ceulx qui ont ung beau parler
Ne sont pas vrays amys fidelles,
Car dessoubz parolles sy belles
Le mal se peult dissimuler.
Le Vaultour feit semblant de celebrer
Ung beau bancquet et copieuse feste,
Pour son natal en ce jour remembrer,
Affin qu'il fust aux oyseaulx manifeste.
Tout Pappareil dedans ung temple apreste,
Et au souper petits oyseaulx invite,
Qui vindrent tous. Puis du temple bien visie
Les portes ferme, et la toyt demoura ;
Rens n'y vallut, la prière ne fuite,
Lung aprés l'aultre en fin les deyora.
Soubz l'umbre donc de quelque bel accueil,
Gardons nous bien d'estre en ce poinct surpris ;
Sy on nous faict ung gracteux recueil,
Considerons, ainst que bien apris,
Sy aulcun mal est point dessoubz compris ;
Car soubz miel le fiel est mussé.
Quand tout cela sera ainsi pensé,
Vaincqueurs serons des secrettes envies ;
De l'ennemy le faict sera passé,
Sans pouoir nuyre aux honneurs ny aux vies.
