Le Devin prophète Gilles Corrozet (1510 - 1568)
Se corriger le premier
Tel void dedans les yeulx d’aultruy
Ung festu, mais, sans veoir plus oultre,
N’appercoit une grosse poultre
Qui l’aveugle, et s’adresse a luy.
Quelque Devin en une ville estoit
En plein marché, qui disoit adventure
A tout chascun qui la se presentoit,
Et anoncoit toute chose future.
Lors se mocquant quelque homme de raison
De ce prophete et de son sot blason,
Dire luy vint chose qui estoit vraye,
Que les larrons estoltent en sa maison,
Qui emportoient par fraulde et trahison
Son or, son bien, et sa robe, et son saye.
Vers sa maison se hastant de venir,
En son chemin ung homme incogneu treuve,
Lequel luy dict : « Sy tu scais l'adyenir,
Tu en as faict maintenant faulse espreuve.
Pourquoy veulx tu au peuple faire acroire
Le temps futur, toy qui n’as en memoire
Ton propre mal et adverse fortune ? »
Cela est laid de vouloir pour la gloire
Reprendre aultruy, et de son faict notoire
N’en avoir soing et souvenance aulcune.
Titre original : D'aulcun Devin ou Prophète
