La Mostelle et les Souris Gilles Corrozet (1510 - 1568)
Plus par finesse que par force.
S'il te semble que par la force
L'impuissant ne te puisse attaindre,
Vray est, mais sa vertu s'efforce,
Et eaue qui dort est moult à craindre.
Une Mustelle estoit tant envieillie
Que sa vertu et force estoit faillie,
Et ne pouoit prendre a legiere course
Ratz et Souris comme souloit, et pource
Elle pensa de trouver la manicre
De se cacher en huche fariniere,
En esperant que sa proye viendroit
Et la dedans a Paise la prendroit !
Ce qui fut faict, car les Souris y vindrent,
Et leur repas de la farine prindrent ;
Mais la Mustelle, estant illec cachée,
L'une aprés l'aultre a couppée et trenchée
A belles dentz : ainst soubz telle embusche
Les metst a mort toutes dans ceste huche.
Voila comment, quand la force prend cesse,
Il fault avoir recours a la finesse
Et a l'engin qui la force surmonte,
Car tant que luy n'est legiere ne prompte.
Lisander dict ce petit mot tant beau :
Tu feras plus bien souvent par la peau
Du cault Regnard, beste subtille et fine,
Que ne feras par la peau leonine.
Titre original : De la Mustelle et de la Souris
