Le Paon et le Rossignol Gilles Corrozet (1510 - 1568)
Se contenter des dons de Dieu.
Les grâces sont de Dieu infuses.
Et aux personnes divisées ;
Elles doyvent estre prisées
Quand elles ne sont point confuses.
Le Pan, a Juno consacré,
Se plaignoit a celle déesse
Qu'il n'avait pas le chant a gré
Doulx et plaisant, plein de liesse,
Et que le Rossignol l'avait,
Car tout bien chanter il scavott,
Qu'il en estoit partout loué ;
Mais luy il chantait enroué,
Lors dict la seeur de Jupiter :
« O Pan, tu te fault contenter ;
Sy tu n'as le chant tresplatsant,
Tu as plumaige reluysant,
Cela te doit reconforter. »
Ung chascun dott estre content
Des propres grâces que Dieu donne :
Lung en a peu, Vaultre en a tant
Qu'il plaist a Dieu, et qu'il ordonne ;
Lung a une grâce si bonne
A chanter, parler et bien dire,
Qui ne scaurait lire n'escrire,
L'ung ignorant riche de biens,
Laultre bien scavant qui n'a riens,
Lung en conseil saige se pense
Pour mener guerre, et l'aultre est fort :
Dieu ne te veult point faire tort,
Car tousjours il te recompense.
