L'Enfant et la Fortune Gilles Corrozet (1510 - 1568)
Le mal vient de nous
Ordinairement par nous mesmes
Nous tumbons en perilz extremes,
Nostre faulte et coulpe excusons
Et la fortune en accusons.
Prés d’ung puys estoit
Et s’y esbatoit
Ung beau jeune filz ;
Sommeil le surprint,
Et dormir s’en vint
Au bort de ce puys.
Fortune, qui va
Au lieu, arriva
Et celluy resveille,
Disant : « Mon amy,
Ne sois endormy
Et plus ne sommeille.
« Sy tumbé tu fusses,
Excusé ne m’eusses,
Et chascun eust dict
Que trop imporiune
Luy estoit Fortune,
Qui mort le rendit.
« Moy donc accusée,
Ta faulte excusée
Tousjours eust esté ;
Mais homme imparfaict
Luy seul mal se faict
Par sa lascheté. » Fable 83
Titre original : De l'Enfant et de Fortune
