Le Loup et le Chien Gilles Corrozet (1510 - 1568)
Liberté
Liberté est souvent bannie
Des haultz fieux et royalles courtz :
Car sa puissance est la finie,
Et servitude y a son cours.
Dedans ung boys tout semé de verdure
Ung Loup trouva quelque Chien a'adventure
Qu'il salua, l'interrogant de faict
Comme il estoit sy gras et sy refatct.
Le Chien respond : « Je flate ainsi mon maistre,
Lequel me donne assez bien a repaistre
Des bons morceaulx de sa table tant grasse ;
Et, qui plus est, j'ay l'amour et lagrâce
De tout chascun. — O que tu es heureux !
(Ce dict le Loup) et moy trop langoureux. »
Lors dict le Chien : « Amy, laisse ces boys,
Et viens loger au lieu la ott je vots,
Chez mon seigneur.» Lors ilz s'en vont ensemble,
Et, en allant, le Loup dict : « Il me semble
Qu'au col tu as ung colier ; pourquoy est-ce ?
— C'est (dict le Chien) ung colier qui m'opresse,
Et qui te siste a la ferocité
Que je soulois avoir en liberté.
Le temps passé je soulois les gens mordre,
Mais mon seigneur y a mis bon ordre,
En m'enchaynant, que j'en suis bien plus doulx.
— J'ayme mieulx estre au boys avec les Loups
(Ce dict le Loup), en liberté planiere,
Qu'estre captif en si dure maniere :
Certes l'amour de ton maistre est trop rude,
De ne veulx point de telle servitude. »
Petit seigneur sur peu est plus notable :
Qu'ung grand subject repeu en riche table.
Titre original : Du Loup et du Chien
